28 de marzo 1991
Kadakayo amin dita:
Inton addaakto ditoy daga a nakayanakan daguiti dadakkelko umayyonto sabten toy maysa nga patpatgenyo iti biag. Kadagiti aldaw nga kaaddana iti ballasiw-taaw, mapanpanunotna daguiti nadumaduma nga kita iti tao. Kunada nga pada-pada amin ti tao. Nagkamalida iti daytoy nga panangibuksilda. Kadagitoy nga tao adda kadakuad ti mapaypayatan ken adda kadakuada ti mangpaypayat.
No adda iti balay adda met iti agindeg. No adda agrenta adda met ti agparparenta. Ti biag ti agrenrenta ket sabali iti biag ti adda bukodna a balay. Nakibor ti makiplatplato ngem ti agbukbukod iti platona; ta no bassit ti makan adda aginnagaw ket adda agginnura.
Adda kali ken adda bisukol iti aglawlawtayo. Maymaysa ti kayatda papanan–iti tuktok iti bantay. Ti maysa nga kali makapan a nadardaras sadiay. Ket daydiay bisucol, uray no nabuntog, agtudo man wenno aguinit, macapanto latta idiay tuktok iti bantay babaen ti anus ke reggetna.
Agyamanak kadakayo amin iti panangtan-awyo daytoy sangkabassit nga balikasko kadakayo.